А.С.Пушкин атындағы  орта мектебінің мектепішілік өзін-өзі аттестациядан өткізу қорытындысы туралы

АНЫҚТАМА

«Қазақстан Республикасы Білім және ғылым министрлігінің Білім және ғылым саласында  сапаны  қамтамасыз ету  комитеті төрағасының  2021 жылғы 10 қыркүйектегі  №700 бұйрығын  басшылыққа ала отырып,  2022 жылдың  желтоқсан  айының  28 қараша – 09 желтоқсан  аралығында мектепішілік өзін-өзі аттестаттау өткізілді.

Мектепішілік өзін-өзі аттестациялауды ұйымдастыруға және өткізуге байланысты төмендегідей комиссия құрамы бекітілді.

1.Мырзагалиев Алпамыс Орынбасарович - комиссия төрағасы, мектеп директоры

2.Тоқаева Жазира Тынымбайқызы – комиссия төрағасының орынбасары, директордың оқу ісі жөніндегі орынбасары

3.Сәмиева Гүлжайна Тынымқызы- комиссия төрағасының орынбасары, директордың тәрбие ісі жөніндегі орынбасары

4.Әжімкі Айнұр Серғазықызы- қазақ тілі мен әдебиеті пәні мұғалімі, педагог-зерттеуші

5.Сугирбаева Қарлыгаш Сериковна – математика пәні мұғалімі, педагог-сарапшы

Комиссия мүшелері мектептің білім беру қызметінің сапасы мен нәтижесін тексеруде, зерттеуде келесідей бөлімдер қамтылды.

1. Білім беру ұйымының жылдық жұмыс жоспарының болуы және МЖМБС талаптарында айқындалған жалпы орта білім берудің базалық құндылықтарына, мақсаттары мен міндеттеріне сәйкестігі, педагог және оқытушы кадрлармен жасақталуы;
2. Білім беру ұйымының басшысымен бекітілген жұмыс оқу жоспары мен сабақтар кестелерінің болуы; мектепке дейінгі тәрбие мен оқытудың, бастауыш, негізгі орта және жалпы орта білім берудің үлгілік оқу жоспарларының МЖМБС талаптарына сәйкестігі; жалпы білім беретін пәндер бойынша үлгілік оқу бағдарламаларына сәйкес жүзеге асырылатын инвариантты компонент пәндерінің, вариативтік компоненттің факультативтері мен таңдау курстарын іске асырылуы;
3. Білім алушылардың жалпыадамзаттық құндылықтарды дарытуға бағытталған тәрбие жұмысының іске асырылуы.
4. Ерекше білім беру қажеттілігі бар білім алушылардың ерекшеліктерін және жеке мүмкіндіктерін ескере отырып оқыту процесін ұйымдастыру.
5. "Өмір қауіпсіздігінің негіздері" міндетті оқу курсын зерделеу.
6. "Жолда жүру ережелері" міндетті оқу курсын іске асыру.
7. Жалпы білім беру ұйымы бойынша материалдық-техникалық қамтамасыз етуі, компьтерлердің, оқу зертханаларының, оқу пәндері кабинеттерінің, техникалық оқу құралдарының болуы, кітапхана қоры, тамақтану обьектісінің болуы, медициналық қызметтің болуы.

1. Білім беру ұйымының жылдық жұмыс жоспарының болуы және МЖМБС талаптарында айқындалған жалпы орта білім берудің базалық құндылықтарына, мақсаттары мен міндеттеріне сәйкестігі.

«А.С.Пушкин атындағы орта мектебі» коммуналдық мемлекеттік мекемесі 1982 жылы салынған.

Жалпы орта білім беретін мектеп 2 қабатты.

Жобалық сыйымдылығы - 320 орындық.

Мекеме ғимаратының түрі: типтік.

Жалпы көлемі: 1850 ш.м.

Меншік түрі: Мемлекеттік коммуналдық кәсіпорын

Мекен жайы: Ақтөбе облысы Байғанин ауданы Сартоғай ауылдық округі Алтай батыр ауылы Мектеп көшесі 2

Телефон: +7 (713 47) 22 688; +7 (713 47) 25 438

E-mail: Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.

Оқу тілі: қазақ тілі

  Мектеп директоры Мырзагалиев Алпамыс Орынбасарович Ақтөбе облысының білім басқармасы Байғанин ауданының білім бөлімі басшысының 2020 жылдың 23 сәуірдегі  №26 бұйрығымен  А.С.Пушкин атындағы орта мектебінің басшысы қызметіне тағайындалды.

Мектеп мемлекеттік аттестаттаудан 2015 жылы өтті. Білім және ғылым саласындағы бақылау комитеті Ақтөбе облысының білім саласындағы бақылау департаменті, № 46 03.02.2015 жыл.

«Білім туралы» 2007 жылғы 27 шілдедегі ҚР Заңының 5-бабының 34-1 тармақшасы негізінде «Педагог мәртебесі туралы» 2019 жылғы 27 желтоқсандағы ҚР Заңының 5-баб 3 тармағына және 16-бабының 1- тармағына сәйкес ҚР Білім және ғылым министірінің 2020 жылғы 11 мамырындағы  «Педагогикалық әдеп қағидаларын бекіту туралы» №192 бұйрығын  орындау мақсатында мектепте педагогикалық әдеп жөніндегі кеңес құрамы мектеп директорының 2020 жылғы 24 сәуірде №28/1 бұйрығымен 3 жылға құрылды. Кеңес құрамы 7 адамнан тұрады.

Мектептің негізгі мақсаты: Оқу-тәрбие үрдісіне жаңаша мазмұн беру арқылы ізденімпаз, дүниетанымы жоғары, шығармашылық қабілеті дамыған жеке тұлға қалыптастыру.

А.С.Пушкин атындағы  орта мектебінде 30 педагог, 27 техникалық қызметкер жұмыс жасайды. 1 директор, 1 оқу ісі орынбасары, 1 тәрбие ісі жөніндегі орынбасары, 1 әлеуметтік педагог, 1 психолог, 1 логопед, 1 кітапханашы, 1 ісжүргізуші бар. Жоғары білімді педагогтар саны – 28, арнаулы орта – 2, тәрбиеші – 2, білімі – жоғары. Пайыздық үлесі: 93% Біліктілік санаты бойынша педагог-зерттеуші – 11, педагог –сарапшы – 9, педагог – модератор – 1,  екінші санат-1, санатсыздар -8; Пайыздық үлесі: 73%

«А.С.Пушкин атындағы  орта мектебі» КММ 2021-2022 оқу жылына  арналған  оқу-жұмыс жоспары          «Білім берудің барлық деңгейінің мемлекеттік жалпыға міндетті білім беру стандарттарын бекіту туралы» Қазақстан Республикасы Білім және ғылым министрінің 2018 жылғы 31 қазандағы № 604 бұйрығы; Қазақстан Республикасы Білім және ғылым министрінің 2018 жылғы 10 қазандағы № 557 бұйрығымен бекітілген Қазақстан Республикасында мектепке дейінгі тәрбие мен оқытудың үлгілік оқу жоспарын бекіту туралы,Қазақстан Республикасы Білім және ғылым министрінің 2017 жылғы 27 қарашадағы  № 596 бұйрығына (өзгерістер мен толықтырулар) енгізу туралы  бұйрығымен  бекітілген оқу жоспарымен,типтик оқу бағдарламалары 21.09.2018 ж №477 бұйрық және Қазақстан Республикасы Білім және Ғылым министрінің 2020 жылғы 12 мамырдағы №195 бұйрығы;  Қазақстан Республикасы Білім және ғылым министрінің 2012 жылғы 8 қарашадағы № 500 бұйрығымен бекітілген, (2021 жылғы  25 наурыздағы  №125 бұйрығымен енгізілген өзгерістер мен толықтыруларымен) ҚР Білім  және ғылым министрлігінің 2021 жылғы  20 тамыздағы №415 бұйрығының 6-қосымшасымен ,ҚР Білім  және ғылым министрлігінің 2012 жылғы  8 қарашадағы    №500 бұйрығының 6-қосымшасымен бекітілген негізгі орта білім берудің жалпы білім беретін пәндерінің оқу бағдарламалары  бойынша жасалған және мектеп директорының, аудандық білім  бөлімінің келісімімен бекітілген. Жұмыс  жоспарына  сай  2021-2022 оқу жылына  мектеп кәсіподақ,ата-аналар комитетінің келісімен мектеп директоры бекіткен  сабақ кестесі бар. Сабақ кестесі оқу жылының оқу жоспар түрлерін басшылыққа ала отырып, жасалған. Сабақ кестесін құруда мектеп әкімшілігі әрбір сыныптағы пәндер бойынша оқу сағаттарының нормаларын, мектептің материалдық-техникалық базасы мен кадр ресурстарын ескерілген.

Білім алушылардың бір күндік және апта ішіндегі ой еңбегінің жұмысқа қабілеттілігі динамикасын ескеру және ҚР ДСМ 2021 жылғы  5 тамыздағы № ҚР ДСМ-76 бұйрығы «Білім беру объектілеріне қойылатын санитариялық-эпидемиологиялық талаптар» Санитариялық қағидаларының 4-қосымшасына сәйкес пәндерді  қиындығына қарай саралау кестесін пайдаланған.  Үзілістерде таза ауаны кіргізіп, кабинеттерде ылғалды  тазалық жүргізіледі. Ауысымдар арасында ылғалды жинау және желдету үшін ұзақтығы кемінде 30 минут үзіліс көзделген.  Бірінші аусымдағы сабақ  8.00-ден  13.15-ке дейін өткізіледі. Екінші ауысым сабағы сағат 14.00-ден 19.15-те бітеді.

2021 жылғы 31 тамызда өткізілген №1 Педагогикалық Кеңес шешімі негізінде оқу жоспары мен сабақ кестелері бекітілді.

2021-2022 оқу жылында «А.С.Пушкин атындағы орта мектебі» коммуналдық мемлекеттік мекемесіндегі оқу-тәрбие процесі мемлекеттік  тілде  жүргізілді.

2021-2022 оқу жылында «А.С.Пушкин атындағы  орта мектебі» КММ-нде 1-11 класс аралығындағы оқушы  1-4- класта -64 оқушы, 5-9 класта – 69 оқушы, 10-11-класта-21 оқушы қазақ тілінде білім алды.Барлығы -154 оқушы. Даярлық кластарында 1 класс-комплектісі- 17 тәрбиеленуші; мектеп жанындағы шағын орталықта 1 топта – 13  тәрбиеленуші бар.  .  

Жалпы білім беретін пәндер бойынша үлгілік оқу бағдарламаларына сәйкес әр сыныптард инварианттық және вариативтік компонент оқу жүктемелері төменде келтірілген:

Мектепалды даярлық сыныптарында – 20 сағат; 1 сыныптарда – 22,5 сағат; 2 сыныптарда – 24 сағат; 3 және 4 сыныптарда -27 сағат; 5,6 сыныптарда – 31 сағат; 7 сыныптарда – 34 сағат; 8 сыныптарда – 35 сағат; 9 сыныптарда – 36 сағат; 10  және 11 сыныптарда 37 сағат оқу жүктемесі бар.

Вариативтік компонент мектепке дейінгі тәрбие мен оқытуда  - 3 сағат; бастауышта білім берудің вариативтік компоненті –  3 сағат; негізгі орта білім беру бойынша 5-9-сыныптар – 10 сағат; жалпы білім беру бойынша – 8 сағат оқытылды.

2. Білім алушылардың жалпыадамзаттық құндылықтарды дарытуға бағытталған тәрбие жұмысының іске асырылуы.

  Мектепте білім алушылардың таным мәселелерін  шешеуге және субъективті  жаңа білімді меңгеруге, ұлттық  дәстүрлерді, мәдениетті зерделеуге  және жалпы адамзаттық  құндылықтарды дарытуға бағытталған жұмыстар 2021-2022 оқу жылдарына арналған мектепішілік тәрбие жұмысының жоспарына сай жүйелі түрде өткізілуде. 8 бағыт бойынша құрылған жоспар бойынша тәрбиелік шаралар өткізіліп, клубтар жұмыс жасауда. 2021-2022 оқу жылдарына ҚР БҒМ Жалпы білім беру ұйымдарында оқушыларды тәрбиелеу тұжырымдамасы негізінде тәрбие жұмыстарының жоспары бекітілген.

- ТӘРБИЕНІҢ ТҰЖЫРЫМДАМАЛЫҚ НЕГІЗДЕРІ (Қазақстан Республикасы Білім және ғылым министрінің 2015 жылдың «22» сәуірдегі № 227 бұйрығы)

 - Ақтөбе облысында тәрбие жұмыстарының  2013-2020 жылдарға арналған  БАҒЫТ – БАҒДАРЛАМАСЫ (Ақтөбе облысының білім басқармасы № 712 бұйрық 10.09.2012 ж)

- Ақтөбе облысының білім басқармасы № 733 бұйрық 01.09.2015 ж.және Ы.Алтынсарин ҰБО ұсынған әдістемелік нұсқаулықта берілген ережелерге сәйкес  құрылып,бекітілді.

Тәрбие жұмысының мақсаты: оқушылардың адами құндылықтарын, интелектуалдық қабілеттерін, рухани және физикалық қабілеттерін дамыту. Оқушыларды Отан сүйгіштікке, патриоттылыққа баули отыра салт-дәстүрлер мен мемлекеттік рәміздерді қастерлеп қоғамға пайдалы азаматтар мен азаматшаларды тәрбиелеу.

  Тәрбие жұмысының оқу жылына арналған жоспары оқушылардың жеке ерекшеліктері мен мектеп дәстүріне сай, күнтізбеклік мерекелерді қамтып жоспарланды.

Мектепте тәрбие ісі жөніңдегі орынбасары  Г.Сәмиева   қызмет жасайды.Тәрбие үдерісі - бұл тұлғаның тәрбиелік деңгейі, ол оқушының қоршаған әлеуметтік ортамен және жалпы қоғаммен әрекеттестікке дайындығымен сипатталады. Осы дайындықты анықтау және айқындау үшін диагностика-оқушының даму үдерісі мен нәтижелеріне талдау жүргіземіз. Ұрпағымызды парасатты да білікті, мәдениетті де білімді етіп тәрбиелеу мақсатында сынып жетекшілер оқушының тәрбиелік деңгейін бақылайды. Мектепте 1-11 сынып аралығында 11 сынып комплектісі бар, барлығы 154 оқушы оқиды. Тәрбие жұмысын тиімділікпен ұйымдастыру мақсатында мектепте сынып жетекшілерінің әдістемелік бірлестігі жұмыс істейді. Сынып жетекшілердің барлығы жоғары білімді, бірлестік бекітілген жоспар бойынша жұмыстар атқарды.  Жыл бойы өткізілген педагогикалық кеңестерде төмендегідей тәрбие жұмысының  тақырыптары қозғалды.

1. Тәрбие жұмысын жоспарлау;
2. Жасөспірімдер арасында ұшырасатын суицид көріністерінің алдын алу;
3. Тәрбие жұмыстарының тиімділігін арттырудағы ата-аналар жиналысының рөлі;
4. Жалпыға құқықтық білім беру жұмысы;
5. Жазғы жұмыс және демалысты ұйымдастыру.

«Жас Ұлан», «Жас Қыран» балалар ұйымында 133 оқушы бар. Жоспарланған іс-шаралар мен қоғамдық іс-шараларға белсене араласады.

Оқушыларды рухани-адамгершілікке, әдептілікке тәрбиелеу, айналасына құрметпен қарауға, жаман әдеттерден бойын аулақ ұстауға, жат ағымдардың теріс пиғылдарын түсіндіру арқылы отанға деген патриоттық сезімін ояту, елін, жерін сүюге тәрбиелеу мақсатында ақпараттық – түсіндіру тобының жоспары құрылып, бекітілген жоспарға сай іс-шаралар өткізілді.

Құқықбұзушылық пен заң бұзушылықты алдын-алу мақсатында Құқықбұзушылықты алдын-алу  жоспары құрылды. Жыл бойы  тақырыпқа сай іс-шаралар ұйымдастырылды.

    Жасөспірімдер арасындағы қылмыстың және құқық бұзушылықтың алдын алу іс-шаралар бойынша ІІБ-мен бірге жасалған жоспары құрылған. Ата-аналар жиналысының күн тәртібінде «Кәмелетке толмағандар арасындағы құқықбұзушылық (бопсалаушылық, ұрлық, тонау)  қылмыстарының алдын-алу», «Құқықбұзушылықтар мен діни экстремизмнің алдын-алу»тақырыптарында  мәселелер қойылып, ата-аналарға түсінік жұмыстары жүргізілді.Тоқсан сайын оқушылардың каникул кезіндегі қауіпсіздіктері ескертіліп, қол қойғызып алынады. 2021-2022 оқу жылында қылмыс пен құқықбұзушылықты алдын-алу мақсатында «Қадағалау», «Түнгі ауылдың балалары» рейдтері жүйелі түрде жүргізілді.

  Сонымен қатар жасөспірімдер арасындағы құқық бұзушылықтың алдын алу мақсатында Сенім жәшігі орнатылған. Сенім телефон номері 25-6-88. Мектептің инста парақшасына да жарияланды. Сенім жәшігіне жауапты мектеп психологы  Теңізбаева Ақманат Оразбайқызы болып бекітілді.

Оқушылардың бос уақытын тиімді пайдалану мақсатында мектепте спорттық секциялар мен үйірмелер ұйымдастырылды.  Спорттық секциялар төменгі түрлер бойынша өткізілді.

 Бастауыш сыныптар мен орта буын оқушылары жеңіл атлетика, жоғары сынып оқушыларымен волейбол, қазақша күрес  секциялары өткізіледі. Оқушылар аталған спорт түрлерінен жарыстарға қатысып, жүлделі орындарға ие болды. Сонымен қатар, «Шебер қолдар», «Қылқалам», «Цифрлық сауаттылық», «Қазақша күрес» үйірмелері жұмыс жасауда.

«Болашаққа бағдар: рухани жаңғыру» бағдарламасына сай рухани байлықты, моральдық тазалықты, дене бітімін жетілдіруді, бәсекеге қабілеттілікті, прагматизмді, ұлттық сәйкестікті, білімнің табынуын, эволюциясы мен сана-сезімінің ашықтығын, әлеуметтік рөлдердің жүйесін толықтай орындауға қабілетті, XXI ғасырдың лайықты өмірін қалыптастыруға қабілетті жан-жақты және үйлесімді дамыған тұлғаны тәрбиелеу мақсатында: мектепте «Рухани жаңғыру» бұрышы жасақталып, аталған бағдарлама бойынша жыл бойы үздіксіз іс-шаралар өткізілді.

    Тәрбие жұмысы сегіз бағыт бойынша өткізілген шаралар келесідей:

1. Жаңа қазақстандық патриотизм мен азаматтыққа тәрбиелеу, құқықтық тәрбие

   Алғашқы қоңырауға арналған  «Кел , баллар, оқылық!»  салтанатты жиыны  1 – сынып үшін ұйымдастырылды және  «Әліппе» оқулығы салтанатты түрде табысталды. 2-11класс оқушылары аралығында «Тәуелсіздік жетістіктері» тақырыбында бірыңғай тәрбие сағаттары өткізілді.

«Ұстаздық – ұлық емес, Ұлы есім» тақырыбында ұстаздар күніне арналған мерекелік концерт ұйымдастырылды.

Тарих пәнінің мұғалімі Б.Қайырбаеваның ұйымдастыруымен «Құқықтық қатынас» атты конференциясы өткізілді. «Зорлық-зомбылықсыз 16 күн» халықаралық акцияны іске асыру барысында «Қатыгездіксіз және зорлық-зомбылықсыз балалық шақ» атты мектепішілік апталық ұйымдастырылды. Апталық барысында «Зорлық-зомбылықсыз болашаққа», «Тұрмыстық зорлық-зомбылықсыз өмір», «Жасөспірімдер арасында зорлық-зомбылықтың алдын-алу» тақырыптарында әр түрлі форматта іс-шаралар жүргізілді.

 «Сен өз құқығыңды білесің бе?» атты дөңгелек үстел,«Сыбайлас жемқорлық – қоғамның дерті» тақырыбында таным сағаты, «Сыбайлас жемқорлық дегеніміз не?» тақырыбында 5-7-кластар аралығында дөңгелек үстел, «Қазіргі заманға жастарға патриотизм тән бе?» тақырыбындағы 8-9- кластар аралығында пікірсайыс, «Бала құқығы – адам құқығы» атты оқушылармен сұхбат өткізілді.  «ҚР тәуелсіздігіне 30 жыл» мерекесіне орай іс-шаралар ұйымдастырылды. Іс-шара барысында «Тәуелсіз Қазақстанның қалыптасуындағы Тұңғыш Президенттің ролі» атты дөңгелек үстел, «Тәуелсіз елім – кең байтақ жерім» эссе байқауы, «Тәуелсіздік - болашағым» патриоттық әндер челленджі, «Тұғыры биік - Тәуелсіздік» пікірсайыс турнирі, «ҚР Тәуелсіздігіне 30 жыл» бірыңғай тәрбие сағаттары өткізілді. «Жемқорлыққа жол жоқ» атты суреттер байқауы ұйымдастырылды.

   «1-сынып оқушыларының    мектепке дайындығын  анықтау мақсатында  «Керн-Йерасек »  тесті алынып қорытындысы шығарылды.   1 сынып оқушыларының   қабылауын, зейінін,  қиялын,  есте сақтау  қабілетін,  ойлау қабілеттерін анықтау мақсатында тест жұмыстары алынып, қорытындылары шығарылды. Сонымен бірге 5 класс оқушыларымен «Із кесуші»  танымдық  психологиялық ойыны ұйымдастырылып өткізілді.   1-11 класс аралықтарында Дж.Морено  әдістемесі бойынша Социометриялық тесті алынып қорындысы шығарылды. Күзгі және қысқы демалыс кезіндегі оқушылардың бос уақытын тиімді ұйымдастыру мақсатында «Тәуелсіз елдің ұрпағы» патриоттық әндер челленджі өткізіліп, «Қауіпсіз каникуль» видеоролигі ұсынылды

1. Рухани-адамгершілік тәрбие

«Қыз бала ұлттың ұяты, халықтың шырайы» тақырыбында «Жауқазын» қыздар ұйымының жоспары бойынша 8-9класс қыз балалары аралығында мектеп медбикесімен кездесу сағаты өткізілді.

Қарттар күні қарсаңында «Қарттарым – асыл қазынам» атты мерекелік кеш ұйымдастырылды.

Класс жетекшілер «Ата-аналармен діни сауаттылығы туралы » түсінік жұмыстарын жүргізді.

 Әлеуметтік педагог «Отбасында теріс діни көзқарасы бар, намаз оқитын және хиджаб киетін» оқушыларды анықтау мақсатында мәлімет жинақтады.

«Мен туған өлкемнің тазалығына үлес қосамын» атты сенбілік жұмысы жүргізілді.

«Алтын жапырақ төккен күз» тақырыбында 1-11класс оқушылары аралығында мерекелік іс-шара ұйымдастырылды.

«Ы.Алтынсариннің туғанына 180жыл» толуына орай тәрбие сағаттары өткізілді.

«Ж.Жабаевтың туғанына 175 жыл» мерей тойы қарсаңында жыршы өлеңдерінен челендж ұйымдастырылды. «Ы.Алтынсариннің 180 жыл» мерей тойына видеоүндеу ұсынылды.

1. Ұлттық тәрбие

Тілдер күніне орай «Тіл татулық тірегі»  атты апталық ұйымдастырылды.

ҚР Рәміздерін кеңінен насихаттау мақсатында «Біз рәміздерді құрметтейміз» тақырыбында көрме жасақталды. «Ұлттық тәрбие ұлағат көзі», «Ұлттық тәрбие ұлт болашағы», «Ұлттық тәлім тәрбиенің негізгі қағидалары» тақырыптарында тәрбие сағаттары жоспарланды. «Ол дәурен - бір көрген түс» тақырыбында ақын, жазушы, қоғам қайраткері, журналистер одағының мүшесі, Байғанин өңірінің ұлы перзенті Мәди Айымбетовпен кездесу кеші өтті.

  «Діни экстремизм туралы не білеміз?» мектеп психологының сауалнамасы алынды.

«Қазіргі заманғы жастарға патриотизм тән бе?» тақырыбында пікірсайыс ұйымдастырылды. «Бір ел, бір халық, бір тағдыр» мерекелік шарасы жоспарланды .«Менің Отаным Қазақстан» тақырыбында өлкетану сабақтары өткізілді.«Адамзаттың ұлы ұстаздары» әдеби кеш жоспарланды

1. Отбасылық тәрбие

 «Отбасында толерантты мінез-құлықты қалыптастыру» тақырыбында мектеп психологының ұйымдастыруымен ата-ана балаларымен бірлескен тренинг сабағын өткізді. «Бәрі отбасынан басталады» бірыңғай тәрбие сағаттары өткізілді. «Менің бақытты отбасым» фото көрмесі ұйымдастырылды. «Бақыт бұл .....» тақырыбында бастауыш класс оқушыларына асфальтта сурет салғызылды. Сондай-ақ «Ата-анаңа қоңырау шал» челендж өткізілді.«Ана әлемдегі ең жақсы сөз» атты 1-4класс аралығында сынып сағаты ұйымдастырылды. Мектеп психологы «Ата-аналарға психологиялық кеңестер» атты кеңес беру жұмысын жүргізді.

«Әйел бұл әлемге бақыт үшін келеді» тақырыбында 8-11кластар аралығында тәрбие сағаты ұйымдастырылды. «Әке жүрегі таудан биік, ана жүрегі теңізден терең» тақырыбында аналар, әжелер клубтарының ұйымдастыруымен сыр сұхбат өткізілді.Отбасы күніне орай «Отбасы күн шуағы» сынып сағаты , «Менің отбасым» тақырыптарында әр түрлі форматта іс-шаралар өткізілді. «Ж.Жабаевтың туғанына 175 жыл» мерей тойы қарсаңында жыршы өлеңдерінен челендж  ұйымдастырылды. «Ы.Алтынсариннің 180 жыл» мерей тойына видеоүндеу ұсынылды.

  Еңбек, экономикалық және экологиялық тәрбие

«Мектепті көркейтеміз, Қазақстанды көркейтеміз» акциясы өткізілді.

«Дармарка» қайырымдылық акциясы ұйымдастырылды.

. «Мен туған өлкемнің тазалығына үлес қосамын» тақырыбында сенбілік жұмыстары жүргізілді.

Класс жетекшілер «Сынып кабинеттерін көгалдандыру» тақырыбында акция жүргізді.

«Оқушылардың шығармашылық жұмыстарының жәрмеңкесі» атты 1-1 кластар аралығында жәрмеңке ұйымдастырылды.

1. Зияткерлік тәрбие ,ақпараттық мәдениетті тәрбиелеу

«Білімді ұрпақ – жарқын болашақ» атты бастауыш кластар аралығында білім сайысы жүргізілді.

Сонымен бірге Оқушылардың оқу процесіндегі маңызды емтихан кезіндегі күйзелістік  ахуалдың алдын алу және психологиялық  дайындығын нығайту  мақсатында 9-11 класс оқушыларымен  «Емтихан»  іскерлік ойыны ұйымдастырылды.  11-класс оқушылармен   «Ұйқыдағы қала»   психологиялық  жобалық ойын  жүргізілді.  4-класс оқушылармен  жеке өзінің ерекшеліктерін жағымды және жағымсыз мінез-құлық бітістерін тану мақсатында  «Кактус»  әдістемесі жүргізілді.

Мектепішілік  «Өзін-өзі тану» -« махаббат пен шығармашылық педагогикасы»  апталығында «Алтын жүректі ана» атты көрмесі, «Руханилықтың мөлдір бұлағы» оқушылардың шығармашылық жұмыстарынан байқау, «Ризамын бүгінге» флешмоб, «Құндылықтар – ертегілер елінде» атты 1-4кластар аралығында сахналық қойылымдар, «Жүрек жырлары» тақырыбында мәнерлеп оқу сайысы, «Бәрі сүйіспеншіліктен басталады» концерттік бағдарлама, «Сүйіспеншілік жолындағы өмір» тақырыбында таным сағаты  өтті.

1. Көпмәдениетті және көркем –эстетикалық тәрбие

«Көп ұлтты - Қазақстан» сурет көрмесі өткізілді.

«Толеранттылық әлемге жол» атты бірыңғай тәрбие сағаттары өткізілді. Класс жетекшілер тәрбие сағаттарында «Толеранттылық қарым-қатынас ережелері» тақырыбында оқушыларға мәліметтер берді. «Рухани келісім күні – тұрақтылықтың іргетасы» атты апталық барысында «Қазақстандағы өзге ұлт өкілдерінің мәдениеті» тақырыбында таным сағаты, «Ұлттар достастығы» ән байқауы, «Отбасында толерантты мінез-құлықты қалыптастыру» дөңгелек үстелі өткізілді.

Рухани жаңғыру бағдарламасы аясында «Ұлттық мұра – ұрпаққа аманат» тақырыбында ән байқауы ұйымдастырылды. «Менің өнерім –ұлтқа өнеге» тақырыбында ұлттық құндылықтарды дәріптеп жүрген жандарды насихаттау мақсатында кездесу кеші өткізілді.

 Дене тәрбиесі, салауатты өмір салтын қалыптастыру

«Бақытыңда, байлығың да - денсаулық» тақырыбында 1-11кластар аралығында тәрбие сағаттары өткізілді. «Біз нашақорлыққа қарсымыз» тақырыбында мектеп психологы 9-11кластар аралығында тренинг сабақтарын жүргізді. 10-11 кластар аралығында «Уақытпен бөлшектеп жинау»  таным сағаты өтті. «Жас сарбаз 2022» атты 10-11кластар аралығында байқау өткізілді. 1-4  класс оқушылармен  «Жасырынып тұрған сөздерді тап»,  «Аспан, жер,  су»  ойыны,  «Барлығын еске түсір»  ойындары өткізілді.  10-11  класс оқушылармен  «Бақыт сыры »  тақырыбында психологиялық тренинг сабақтары өткізілді. Сонымен қатар, мектепте оқушылардың қызығушылығы мен шығармашылық қасиеттеріне орайластырылған «Қоғамға қызмет» волонтерлар, «Ұшқыр ой алаңы» дебат,   «Оқуға құштар», «Адал Ұрпақ», «Балалар және театр» клубтары бар.

3. Ерекше білім беру қажеттілігі бар білім алушылардың ерекшеліктерін және жеке мүмкіндіктерін ескере отырып оқыту процесін ұйымдастыру.

2021-2022 оқу жылында мектебімізде ерекше білім беруді қажет ететін оқушы саны – 2 бала. Соның ішінде 4 - сынып оқушысы Түгелбаева Қалдыжан Орынғалиқызы (мүгедек,үйден оқитын оқушы) Диагноз-  Детский церебральный паралич, ОНР ІІ-ІІІ уровня.Ұсыныс: жалпы білім беретін мектептерде жеке тәсілмен жәнге арнайы оқу бағдарламасымен оқыту. Оқыту бастауыш білім берудің үлгілік оқу жоспары  ҚР Білім және ғылым министрінің 2012 жылғы 8 қарашадағы №500 бұйрығына 53 қосымша бойынша ұйымдастырылды.

3 - сынып оқушысы Аманова Ақниет  (инклюзивті оқыту) ПМПК қорытындысы  Ғ-70 ОНР ІІ уровня» инклюзивті жеңілдетілген бағдарлама негізінде оқытылды.

5. «Өмір қауіпсіздігінің негіздері» міндетті оқу курсын зерделеу.

1-4-кластарда «Өмір қауіпсіздігінің негіздері» оқу курсын міндетті меңгеру қамтамасыз етіледі. Оқу курсының мазмұнын 1-4-кластарда «Дүниетану» оқу пәнінің шеңберінде: жылдық оқу жүктемесі 1-3-кластарда 6 сағаттан, 4-класта 10 сағаттан бастауыш класс мұғалімдері іске асырады.

«Өмір қауіпсіздігінің және ақпараттық технологиялар негіздері» оқу курсының мазмұны 10-сыныпта «Алғашқы әскери дайындық» оқу курсының аясында 12 сағаттық жылдық оқу жүктемесімен,11сыныпта «Алғашқы әскери және технологиялық дайындық» оқу курсының аясында 16 сағаттық жылдық оқу жүктемесімен алғашқы әскери дайындық пәнінің оқытушы-ұйымдастырушысы жүзеге асырады.

6. «Жолда жүру ережелері» міндетті оқу курсын іске асыру.

«Жолда жүру ережелері» оқу курсының мазмұнын 1-4-кластарда әрбір сыныпта 6 сағаттан класс сағаттары есебінен және сабақтан тыс уақытта класс жетекшілері жылдық жұмыс жоспарында тақырыптары мен мерзімін көрсете отырып, іске асырды.

5-8-сыныптарда «Жол жүру ережелері» оқу курсы сынып сағаттарының есебінен және сыныптан тыс уақытта сынып журналының жеке бетінде сабақ тақырыбы мен күні көрсетіле отырып, әр сыныпта 10 сағаттан өткізілді.

7. Жалпы білім беру ұйымы бойынша материалдық-техникалық қамтамасыз етуі, компьтерлердің, оқу зертханаларының, оқу пәндері кабинеттерінің, техникалық оқу құралдарының болуы, кітапхана қоры, тамақтану обьектісінің болуы, медициналық қызметтің болуы.

  Мектепте 12 оқу кабинеті бар, 1 шеберхана  ер балаларға арналған, 1 спортзал, 1 асхана, 1 медициналық пункт, 1 кітапхана, 1 мұғалімдер бөлмесі, 2 дәретхана /1 ер балаларға, 1 қыз балаларға арналған/, 1 киім ілгіш орны бар. 12 оқу кабинеті модернизациядан өтті.  Химия, биология кабинеттеріне 48766480 теңгенің құрал- жабдықтарымен жабдықталды. Заттың атауы:

1.Интерактивная панель — 1шт

2.Моноблок для преподавателя —1шт

3.Сетевой фильтр —1шт

4.Гарнитура— 1шт

5. Источник бесперебойного питания —1шт

6.Стол преподавателя —1шт

7.Кресло для преподавателя —1

8.Стол для учеников со стульями —15шт

9.Полки настенные — 2 шт

 А.С.Пушкин атындағы орта мектебіне 2021-2022 жаңа оқу жылында 27 тамыз 2021 жылы Аудандық білім бөлімінен МАД тобына 96 дана оқулық, 1сынып оқулығы 275 дана, 2 сыныпқа 20 дана ағылшын оқулығы, 3 сыныпқа 15 дана цифрлық сауаттылық, 6 сыныпқа 10 дана музыка оқулығы, 7 сыныпқа 19 дана информатика оқулығы, 8 сыныпқа 13 дана информатика оқулығы,  10 сыныпқа 72 дана оқулық, 11 сыныпқа қосымша 132 дана оқулық  алынып жеткізіліп берілді.

Қосымша 177 көркем әдебиет берілді. Жалпы кітап қоры – 7802, оқулық – 5239, көркем әдебиет – 2528, оқыту әдістемесі – 101.

Оқу жылы қорытындысы бойынша бастауыш білім беру оқу сапасы – 64,3%, негізгі білім беру оқу сапасы – 53,6%, жалпы орта білім беру оқу сапасы – 33,3 %, жалпы оқу сапасы – 53,7%