Байғанин ауданы, Алтай батыр ауылы

А.С.Пушкин атындағы орта мектеп тарихы

1936 жылы Қопа ІІІ бесжылдық Крупская, Баршақұм, Қарақоға, Жыланды алты колхоз бірігіп, жеті жылдық мектеп үйін салып, сол жылы қыркүйек айында оқуды бастаған. Мектептің алғашқы директоры Нұрмағанбетов Садық деген азамат болған.

1938 жылдан бастап Абдрахманов Іскендір мектеп директоры болған. Алғашқы мектеп ашылған кездегі мұғалімдер Барбосынов Алдан орыс тілі мен әдебиеті пәнінен, Мейірманов Нұртан (Қостанайдан) қазақ тілі және әдебиеті пәнінен, Жаметов Икрамша тарих, Сейітов Мәулен, Есенғұлов Жаңабай, Қисықбасов Оңдаған, Құлшаров Сары т.б. болған. 1943 жылдан бастап мектеп директоры Оразалин Ермекбай, 1946 жылы Қуанбаев Мәмбет, 1947 жылы Аймағамбетов Садық, 1948 жылы Қасымов Шағырбай, 1949 жылы Әлібеков Таубай, одан кейін Аймағамбетов Садық қайтадан директор болып істеген. 1952-59 жылдары Тоқтаров Керей, 1929 жылы Әбиев Жалғас, одан кейін Шукенов мектеп директоры болған.

1963-64 оқу жылының басында 10 (он) мұғалім болған. Олар: Ешпанов Аманғос, Ұзақбаев Тасқынбай, Блиев Боранбай, Қасымов Шағырбай, Қисықбасов Оңдаған, Қадыров І, Тәжіғұлов Б, Текешов З, Мырзағұлова Іңкәш, Нұғыманов Бозақ. Мектепте 115 оқушы болған. Ал, 1964-65 оқу жылында 11 мұғалім болған. 1970-1996 жылдар аралығында 9 мұғалім «Қазақ ССР-і Халық ағарту ісінің озық қызметкері» атағына ие болған.

1963 жылғы қыркүйек айынан бастап Ешпанов Аманғос, 1964 жылғы айқпан айынан бастап Мырзағалиев Орынбасар, 1973 жылдан 1997 жылдары Жаметов Әбілқайыр мектеп директоры болған. 1997-2007 жылдың тамыз айына дейін мектепті Құлжан Ерболат Құлжанұлы басқарды. 2007-2014 жылға дейін Арықова Асылгүл, 2015-2017 жылдары Махан Асқар Бітімбайұлы мектеп директоры болған. 2017-2018 жылдары Ұлқабай Оразбай Жәдігерұлы  директоры болған. 2020 жылдарың сәуір айынан бастап мектепті Мырзагалиев Алпамыс Орынбасарович басқарып келеді. Осы уақытқа дейінгі түлектер саны – орта мектеп статусын алғанына 46 жыл болды. Осы аралықта мектеп ХХХХVІІІ рет өз түлегін ұшырды.

Мектеп 1973 жылы орта білім беретін оқу орнына айналды, 1983 жылы 320 орындық типтік жобадағы оқу ғимараты пайдалануға берілді. 2014 жылы күрделі жөндеуден өткізілді. Мектепте интернат жоқ. Мектеп түлектерінен жазушы Айымбетов Мәди, ғылым кандидаттары Дүйсенов Қуандық, Жолдин Бекболат Құлжанұлы, Шүкіров Жәрдемғали Жұбанғалиұлы, Сәдуақасов Нұрбол Абдуллаұлы, Сұлтанғалиева Жанат Сәлімгерейқызы, Төлепбергенов Сағын Қуанышұлы, Қауқаров Алтынбек Құбашұлы, Қуанбай Жайдаргүл Ізбасарқызы, Исина Жаннұр Аманкелдіқызы. Мектептен шыққан елге танымал, үлгілі ұстаздар өте көп. Олар: Мырзағалиев Орынбасар, Мырзағұлова Іңкаш, Маханов Бітімбай,  Майланова Батшайы, Нұғыманов Бозақ, Сағын Жақсықайыр, Мұратбай Разия, Шатен Қалампыр,  Мұқашов Бек, Жұмақұлов Дүйсенбі.

Мектептің «Үздік аттестат» иегерлері:

1994 жылы    Сағынова Гүлсая Жақсықайырқызы;

                        Сәдуақасова Гүлсая Әбділлақызы;

1999 жылы    Маханова Айнагүл Бітімбайқызы;

                        Көптілеуова Марина Болатқызы;

2012 жылы    Тасболатқызы Балжан.

«Алтын белгі» иегерлері:

2004 жылы    Садуақасов Самат Абдуллаұлы;

2010 жылы    Әзбергенова Айсұлу Асылханқызы;

2011 жылы    Ақпан Ақсүйрік Әбдікәрімқызы;

2014 жылы    Тасболатұлы Жандос;

2016 жылы    Құбаш Назерке Ерұланқызы

2018 жылы    Нұрадинова Шұғыла Жасұланқызы.

2019 жылы     Якубова Данагүл Айболқызы

2020 жылы     Әзбергенова Аружан Асылханқызы

2020 жылы     Қуанышова Гүларнат Жомартқызы

            Мектепте 11 педагог-зерттеуші мұғалім, жағары санатты – 1, І санатты 3- мұғалім, ІІ санатты - 4 мұалім, 6  педагог сарапшы мұғалім, 2 педагог- модератор мұғалім жұмыс жасайды.